‘A me’ terra si chiama Calabbria ! Beddha e ggenerusa pa’ so’ musica, pa’ so’

curtura, pi so’ calabbrisi. O terra rradiusa, tu si ‘a me’ terra, ‘a me’ vita, i me’

rradici, ‘a me’ curtura, ‘a me’ vogghia di vìviri, ‘a me’ liartà, ‘a me’ libbertà. Tu si’

‘a terra ‘i me’ patri, ‘i me’ mamma, ri me’ ‘ntinati, ri me’ affetti. Accà nascimmu,

‘ccà nasciru ‘i me’ figghi ! Sentu ‘u prufumu ra to’ “tepida staggiuni”, ‘u caluri ra

to’ stati, ‘i culuri ru to’ autunnu, ‘a mitizza ru to’ nvernu. Amu ‘u sciauru ri to’

castagni, ‘a biddhizza ri to’ muntagni e du’ to’ mari, l’idioma ra to’ ggenti.

Calabbria, rucissima e amata terra mia…t’amu pa’ to’ immenza ed eterna

curtura, pa’ to’ gluriusa storia. ‘I tija, amata Calabbria, passaru randi navicaturi,

artisti, filosufi e conquistaturi. ‘I ccà partiru longhi undi di ‘migranti e ccà

rrìvanu a milli a milli pi’ cercari ‘na strata di lavuru e la via dill’amuri. Accà,

Calabbria cara, l’ospiti è ssacru comu sacra è lla vita e, pi’ ‘sta vita, ti difendu

dill’amari bucchi ri profanaturi, ri latri e di la mala ggenti. Ti prumettu chi

cumbattu l’usurpaturi e cu’ ti voli fari viulunza, ristruggiu tutti li mbrugghiuni,

conquistaturi e farsi libberaturi. Eccu pirchì restu, ‘a me’ dignità è ‘a tua: ‘a

Calabbria ‘e calabbrisi, l’Italia ‘e taliani e o’ bbonu ‘ntendituri c’abbastanu pocu

palori. VIVA ‘A CALABBRIA, VIVA L’ITALIA, VIVA ‘STU POPULU LIBBERU E

SUVRANU !!!

 Salvatore Marrari RC   2 giugno 2014 ore 23,55