Nta Rriggiu di Calabbria assai gintili,

scindendu, ddhà, nta via marina jata,
m’appari ‘nu surdatu c’un fucili
e ‘nu guerreru cu’ ‘na lanza isàta.

Tri scaluni, ‘na bbasi e ‘na culonna
cu’ supra n’angilu pittatu giallu oru,
quattru bbraceri i bronzu senza fiamma,
sciuri e cimeli ntrizzati cu’ ll’alloru.

Cusì è la vista di ‘stu monumentu
chi rricorda li morti di li guerri.
Ma sutta ra so’ bbasi, in gran firmentu,
si muviva ‘na fuddha di bbizzarri.

Di fattu, nc’era un localeddh’angustu
chi faciva di bar ggilatiria;
di fronti ‘u marciaperi, sempri lustru,
cu’ tavulini e seggi supr’a ferruvia.

Siri di stati, cu’ mari e la friscura,
ssittati nta ddhi seggi ill’autru latu,
a ggenti si cacciava la calura
spittandu o’ cambareri cu’ ggilatu.

Quanta ggenti sostava nta ‘sta “bbuca”!
Cu’ iva e cu’ viniva e, puru addritta,
un conu si pigghiava, ddha, nti Luca
e, pa’ via, s’assittava mi su ddhicca.

Ddhu pezzu ‘i strata tutta lluminata,
i cambareri ch’a ggiacchitta janca,
‘i spasi chini r’ogni bbene ‘i Ddiu,
pariva ‘nu mercatu ‘i Casablanca.

O sciauru ‘i cassati e pezzi duri !
Ma nc’era cu’ non sordiava…
vardava l’angilu e, cu’ gran duluri,
priava mi nci stagghia la so’ bbava.

‘U nostru lidu cumunali “Zerbi”,
‘u bar ‘i Luca, sutta a li “caduti”,
pi’ Rriggiu mericini di li nerbi,
sunn’i rricordi nostri ormai passati.

Salvatore Marrari RC 20 gennaio 2015